If you need it, we can provide: • USA 24 hours Passport service • Rush and emergency USA passport • Expedited Visa process for U.S. & foreign countries • Document Authentication •Document Legalization..For more information please contact us at: 703-286-7713

http://swahilivilla.blogspot.com/2014/01/mahojiano-na-faria-zam-kuhusu-msaada-wa.htmlKwa kuchangia chochote kile alichonacho kupitia Hilmy Disability Charity Organisation. Wasiliana na Mkurugezi wa Hilmy Disability Charity Organisation. Faria Zam. kwa UK Number ya Simu. 745-501-4372 Au Abou Shatry. U.S.A No' 301-728-3977

 http://www.dickysmallsauto.com/

DICK SMALLS AUTO MOTIVE WE CAN HANDLE ALL OF YOUR REPAIR AND SERVICE NEEDS INCLUDING CALL US NOW!(301) 931-3300. 10111B BACOCON DRIVE,BELTSVILLE,MD 20705




Abou & Kichai home repairs. We're your complete solution to every major and minor home repair and installation. For more information please contact (301)728-3977 OR (202)261-0671. Email: tembastanley@gmail.com - swahilivilla@gmail.com



KWA MAHITAJI YAKO YA TICKETS ZA NDEGE KWENDA EAST AFRICA |KATIKA MIJI YA DAR ES SALAAM, KILIMANJARO, NAIROBI, ENTEBBE,KINSHASA, LUSAKA, LILONGWE, LUBUMBASHI,KIGALI, ADDIS ABABA, MOMBASA, JUBA NA BUJUMBURA.TUNAUZA DOMESTIC TICKETS HAPA USA & CANADA. TUNAPOKEA PAYMENT PLANS|TUNAKUCHAGULIA SEAT UNAYOTAKA |TUNAPATIKANA 24/7 SIKU ZOTE ZA WIKI |TUFANYE KUWA WANASHERIA WAKO KATIKA MASUALA YA USAFIRI WA NDEGE. TUTAONGEA NA AIRLINES MOJA KWA MOJA KWA AJILI YA KURAHISISHA USAFIRI WAKO |TEXT, SMS, WHATTS UP AU PIGA # (240) 645-2131

Facebook

Tuesday, April 18, 2017

Mwanajeshi wa JWTZ auawa kwa kuchomwa visu na vibaka Arusha


1

ASKARI wa Jeshi la Ulinzi la Wananchi (JWTZ), MT 94293, aliyefahamika kwa jina la Tekeli Israel (29), ameuawa kwa kuchomwa kisu kifuani na watu wanaodaiwa kuwa ni vibaka.

Akithibitisha kuuawa kwa askari huyo jana, Kamanda wa Polisi Mkoa wa Arusha, Charles Mkumbo, alisema tukio hilo lilitokea juzi, saa nne usiku, wakati marehemu, ambaye ni mkazi wa Mbaunda, alipokuwa akitoka kula chips.

Alisema marehemu wakati akitoka baa ya Tarakea kwenda nyumbani kwake, alipofika eneo la Tarakea Super Car Wash, mtaa wa Simanjiro, kata ya Sombetini, asikia kelele za mtu akiomba msaada.

Kamanda Mkumbo alisema mtu aliyekuwa anapiga kelele za kuomba msaada alifahamika kwa jina la Tumkislai Abdallah, ambaye alikuwa akiporwa simu ya kiganjani na vibaka.

"Baada ya marehemu kufika eneo la tukio na kubaini kuwa ni vibaka, aliamua kupambana nao, lakini kwa bahati mbaya walimjeruhi kwa visu na mmoja wao alimchoma nacho kifuani,"alisema.

Kwa mujibu wa Kamanda Mkumbo, wananchi kwa kushirikiana na polisi, walifanikiwa kumtia mbaroni kibaka mmoja, aliyefahamika kwa jina la Dickson Moses(19), maarufu kwa jina la 'Tukai', mkazi wa Olmatejoo, ambaye alimchoma kisu marehemu.

Alisema baada ya mtuhumiwa kuhojiwa na polisi, aliwataja wenzake watatu, ambao walifanikiwa kutoroka na kwamba, polisi wanawasaka popote pale walipo.


"Jeshi la Polisi mkoa wa Arusha linawataka watuhumiwa watatu, ambao majina yao tunayo, waliokuwa na Tukai kwenye tukio la mauaji ya mwanajeshi huyo, kujisalimisha mara moja kwani mkono wa serikali ni mrefu utawatia nguvuni popote pale walipo," alisisitiza.

Mmoja wa mashuhuda wa tukio hilo, aliyejitambulisha kwa jina la Ally Omaiy, alisema walimuona marehemu kwenye baa ya Tarakea, ambako alikula chispi kisha akaondoka.

Alisema dakika chache baadaye, walisikia kelele za mtu anaomba msaada na baada ya kufika eneo la tukio, walimkuta marehemu akipambana na vibaka hao na ghafla walimuona ameanguka chini.

Alisema baada ya kuanguka, vibaka hao walianza kukimbia, lakini wananchi kwa kushirikiana na madereva wa bodaboda, waliwakimbiza na kufanikiwa kumkamata mmoja wao.

"Marehemu alipambana na vibaka hao kwa ajili ya kumsaidia Abdallah asiporwe simu, lakini kwa kuwa vibaka walikuwa wanne, walimzidi nguvu na mmoja alifanikiwa kumchoma marehemu kisu cha kifuani na kufariki dunia," alisema.

Shuhuda mwingine, ambaye ni rafiki wa karibu wa marehemu (Jina linahifadhiwa), alisema marehemu alikuwa anajiandaa kwa ajili ya safari ya kwenda Darfur.

"Marehemu alikuwa rafiki yangu wa karibu, tunaishi jirani hapa Mbauda, tulishirikiana kwa mambo mengi, licha ya mimi kuwa raia wa kawaida na aliniambia ameshakamilisha taratibu zote za kikosini na kwamba, alikuwa anajiandaa kwa ajili ya kwenda Darfur," alisema.

Mwili wa marehemu Israel, umehifadhiwa kwenye chumba cha kuhifadhia maiti katika Hosptali ya Mkoa ya Mount Meru, ukisubiri taratibu za kusafirishwa kwenda nyumbani kwao Mbeya kwa maziko.
[7:54 AM, 4/18/2017] +1 (301) 728-3977: Baada ya Askari 8 Kuuawa Kinyama ..Polisi Waingia Kazini Kimya Kimya..Wadai Iwe Jua Iwe Baridi Kitaeleweka Tu.

OPARESHENI ya kusaka majambazi yaliyoua polisi nane katika eneo la Mkengeni, Kata ya Mjawa wilayani ya Kibiti mkoani Pwani katikati ya wiki iliyopita, ni siri kwa sasa na haitatolewa maelezo kwa vyombo vya habari.

Polisi imesema haiwezi kuweka hadharani operesheni hiyo kwa sasa kwa sababu kufanya hivyo kutaanika kila kitu kinachofanywa na kikosi cha oparesheni katika kuchunguza tukio hilo.

Tukio hilo la kuuawa askari polisi lilitokea Alhamisi saa 12:15 jioni wakati polisi waliotoka lindo wakielekea kambini.

Waliouawa ni Mrakibu Msaidizi wa Polisi, Peter Kigugu, askari mwenye namba F.3451, Koplo Francis, F.6990 Konstebo Haruna, G. 3247 Konstebo Jacskon, H.1872 Konstebo Zacharia, H.5503 Konstebo Siwale, H. 7629 Konstebo Maswi na H. 7680 Konstebo Ayoub.

Akizungumza na Nipashe kwa njia ya simu jana, Mkuu wa Jeshi hilo nchini, IGP Ernest Mangu alisema si kila taarifa ya uchunguzi wa oparesheni hiyo itakuwa ikiwekwa wazi.

Hata hivyo IGP alisema msemaji wa tukio hilo ni Kamanda wa Polisi mkoa wa Pwani.

Msemaji wa Jeshi la Polisi, Advera Bulimba naye alipoulizwa kuhusu maendeleo ya operesheni hiyo, alisema msemaji wa suala hilo ni Kamanda wa Polisi mkoa wa Pwani.

Kamanda wa Polisi mkoa wa Pwani, Boniventure Mushongi alisema oparesheni hiyo bado inaendelea na kwamba ni mpaka baada ya kukamilika ndipo taarifa itatolewa kwa umma.

Alipoulizwa kama kuna watu waliokamatwa au kushikiliwa hadi sasa, alisema siyo kila taarifa ya uchunguzi inafaa kuwekwa hadharani, na kusisitiza kuwa endapo uchunguzi utakamilika taarifa itatolewa.

“Oparesheni inaendelea, kama ikikamilika taarifa itatolewa, lakini kwa sasa hatuwezi kuwa tunasema kila kitu,” alisema.

Akizungumza na waandishi wa habari jana jijini Dar es Salaam Ijumaa, Kamishna wa Operesheni na Mafunzo Makao Makuu ya jeshi hilo, Nsato Mssanzya, alisema "vita" dhidi ya majambazi hao ilianza muda mchache baada ya tukio hilo na polisi iliua wahalifu wanne.

Mssanzya alisema polisi iliua majambazi wanne wakati wao wakiua polisi nane.

“Wiki hii ikipita magoli (yetu) yatakuwa mengi kuliko yao (akimaanisha vifo), tutahakikisha kuwa hakuna jambazi atakayesalia popote alipo hata kama amekimbilia kwenye makazi ya watu, tutawasaka,” alisema.

Mssanzya alisema majambazi hao walipora silaha saba ambazo ni SMG nne na Long Range tatu zikiwa na risasi zake.

Alisema baada ya tukio hilo hatua za kiintelejensia zilifanyika ambapo vikosi vya polisi vilivamia kambi ya muda ya majambazi hao na kuwaua wanne lakini wengine ambao idadi yao haikujulikana walitoroka.

Alisema katika kambi hiyo ya muda walipata bunduki nne ambapo mbili ni zile zilizochukuliwa kutoka kwa polisi nane waliouawa.

Mssanzya alisema tukio hilo ni baya na kwamba jeshi la polisi limeshapoteza zaidi ya askari 10 katika matukio kama hayo mwaka huu.

“Kitendo hichi hakikubaliki," alisema Mssanzya. "Nimepoteza askari zaidi ya 10 nina amini wanatosha sasa."

"Kuanzia sasa jeshi la polisi linaenda katika operesheni maalum, hatuna mzaha hatuna msamaha.

“Tutafanya kile jeshi la polisi linatakiwa kufanya tutawafuata popote walipo, tutawashughulikia kikamilifu, nasema hakuna atakayesalia, huu ni mwanzo na hakuna mwisho.

“Wananchi mtuwie radhi, tunawaomba mtuunge mkono katika hili (maana) mtaona sura halisi ya jeshi la polisi, ili tuchukue hatua stahiki, watu wanaotaka kufanya ujambazi watambue dawa ya moto ni moto.”

Alisema operesheni hiyo inayoendelea kwenye mapori hayo na maeneo mengine inahusisha vyombo vya ulinzi na usalama.



/

No comments:

Post a Comment

Maoni yako