If you need it, we can provide: • USA 24 hours Passport service • Rush and emergency USA passport • Expedited Visa process for U.S. & foreign countries • Document Authentication •Document Legalization..For more information please contact us at: 703-286-7713

http://swahilivilla.blogspot.com/2014/01/mahojiano-na-faria-zam-kuhusu-msaada-wa.htmlKwa kuchangia chochote kile alichonacho kupitia Hilmy Disability Charity Organisation. Wasiliana na Mkurugezi wa Hilmy Disability Charity Organisation. Faria Zam. kwa UK Number ya Simu. 745-501-4372 Au Abou Shatry. U.S.A No' 301-728-3977

 http://www.dickysmallsauto.com/

DICK SMALLS AUTO MOTIVE WE CAN HANDLE ALL OF YOUR REPAIR AND SERVICE NEEDS INCLUDING CALL US NOW!(301) 931-3300. 10111B BACOCON DRIVE,BELTSVILLE,MD 20705




Abou & Kichai home repairs. We're your complete solution to every major and minor home repair and installation. For more information please contact (301)728-3977 OR (202)261-0671. Email: tembastanley@gmail.com - swahilivilla@gmail.com







KWA MAHITAJI YAKO YA TICKETS ZA NDEGE KWENDA EAST AFRICA |KATIKA MIJI YA DAR ES SALAAM, KILIMANJARO, NAIROBI, ENTEBBE,KINSHASA, LUSAKA, LILONGWE, LUBUMBASHI,KIGALI, ADDIS ABABA, MOMBASA, JUBA NA BUJUMBURA.TUNAUZA DOMESTIC TICKETS HAPA USA & CANADA. TUNAPOKEA PAYMENT PLANS|TUNAKUCHAGULIA SEAT UNAYOTAKA |TUNAPATIKANA 24/7 SIKU ZOTE ZA WIKI |TUFANYE KUWA WANASHERIA WAKO KATIKA MASUALA YA USAFIRI WA NDEGE. TUTAONGEA NA AIRLINES MOJA KWA MOJA KWA AJILI YA KURAHISISHA USAFIRI WAKO |TEXT, SMS, WHATTS UP AU PIGA # (240) 645-2131


Facebook

Saturday, June 24, 2017

MUDAVADI ASIMULIA UHURUTO WALIVYOMTOA MDOMONI 'MNOFU' WA URAIS 2013

Na SAMMY WAWERU

KIONGOZI wa chama cha Amani National Congress (ANC) Musalia Mudavadi amekashifu muungano wa UhuRuto akisema kuwa walimhadaa katika uchaguzi mkuu uliopita wa mwaka wa 2013 kuwa angekuwa rais japo akagundua zilikuwa ahadi za uongo.

Musalia Mudavadi
Bw Musalia Mudavadi akihutubia wanahabari awali. Picha/EVANS HABIL

"Uhuru na Ruto ni wakora, si walinidanganya mimi, ama mmesahau?" amesema Musalia Mudavadi akihutubu Jumamosi eneo la Mbale Kaunti ya Vihiga ambapo muungano wa National Super Alliance (NASA) chini ya kinara wake Raila Odinga umeendesha kampeni za kujipigia debe katika kaunti hii kwa ajili ya uchaguzi mkuu ujao Agosti 8.

Mudavadi ambaye ndiye mkurugenzi wa kampeni za NASA aidha amesema Rais Uhuru Kenyatta na Naibu wake William Ruto walikuwa wamemuahidi kuwa yeye ndiye angekuwa kinara bora kupeperusha bendera ya urais mwaka wa 2013 japo zikawa ahadi bure bilashi.

"Nilikuwa kwa boma langu. Siku moja nikaona gari kubwa jeusi likija Ruto akiwa dereva na Uhuru abiria, Najib Balala akakaa kama abiria na Mwakwere pia kama abiria, mimi nikawakaribisha. Wakanieleza 'Mudavadi wewe ndiye unaweza kuwa rais wa Kenya'," akaeleza kiongozi huyu wa ANC.

"Mama (pengine kwa maana ya mke wake) alileta mandazi na samosa hawa majamaa wakararua. Baada ya wiki mbili wakabadilika wakaniita 'madimoni'. Mimi sasa nimekuwa 'madimoni' ya kweli," akaongeza.

Mudavadi ambaye pia ni mmoja wa vinara wa muungano wa NASA amesema mrengo huu hautaki serikali ya nusu mkate kama wanavyodai Jubilee ikiongozwa na kinara wake Rais Uhuru Kenyatta akisaidiwa na Naibu wake William Ruto.


"Sisi hatutaki nusu mkate. Uhuru na Ruto wanasema kuhusu serikali ya nusu mkate, lengo letu ni kung'oa UhuRuto waende nyumbani tuingize Raila," akasema.

Raila Odinga wa ODM ndiye kinara wa muungano wa NASA akisaidiwa na mgombezi mwenza Kalonzo Musyoka wa Wiper Party.

Wakati huo huo kinara wa NASA Raila Odinga ameendelea kushikilia kuwa NASA haitakubali idara ya jeshi isimamie uchaguzi mkuu ujao Agosti 8.

"Juzi nilisema kuwa kuna njama za kuiba kura. Jana (Ijumaa) nilishangaa kusikia waziri wa usalama wa ndani Joseph Nkaissery akisema maafisa wa polisi na wanajeshi (KDF) wanajiandaa kusimamia uchaguzi. Idara ya usalama isihusishwe na upigaji wa kura. Namshauri waziri wa ulinzi Bi Raychelle Omamo asikubali kuingizwa ndani," akasema Raila akihutubu Mbale Vihiga.

Mswada

Raila ameshauri Jubilee iwapo inataka wanajeshi wahusishwe katika uchaguzi, mswada huo uwasilishwe bungeni.

"Kama Jubilee inataka wanajeshi wasimamie kura, wapeleke huo mswada bungeni ujadiliwe. Tumepimana na Jubilee tukaona tuna kura nyingi kuliko wao, tuna zaidi ya kura milioni 10" amesema Raila.

Haya yanajiri siku kadhaa baada ya Naibu wa Rais William Ruto akiendesha kampeni za Jubilee Kaunti ya Nairobi kumtaka kinara wa NASA Raila Odinga kukoma kuingilia wanajeshi.

Akihutubu Embakasi Nairobi mnamo Jumanne Juni 20, kwenye kampeni za kuvutia ngoma katika upande wa Jubilee, Naibu Rais William Ruto alisema kikosi cha KDF kina rekodi bora ya utendakazi wake.

"Naambia Raila awachane na wanajeshi wetu. Wana rekodi bora ya utendakazi wake," akasema Ruto, akiwa Tasia Embakasi. Naibu huyu wa Rais aidha alimshauri Kinara wa NASA Raila Odinga kuendesha kampeni zake kwa utaratibu akiomba kura zake kwa njia ifaayo na kuuza sera.

"Huyu jamaa wa kitendawili auze sera zake kwa amani, aendeshe kampeni zake kwa njia ifaayo na kwa amani," akadokeza Ruto. Hata hivyo Raila akiwa Mbale Vihiga ameeleza imani yake kuwa Agosti 8 NASA itaibuka washindi.

"Niliwaambia kuna upepo mkali utakuja. Unavuma kutoka Mashariki kuelekea Magharibi, upepo huo unaitwa Tsunami si mnausikia sasa? Wakenya wanalia maisha yamekuwa magumu, uchumi umeporomoka. Wananchi wanalia punda amechoka, tunataka Agosti 8 punde atue mzigo wake chini," akaongeza Raila.

Chanzo: swahilihub.com

No comments:

Post a Comment

Maoni yako