If you need it, we can provide: • USA 24 hours Passport service • Rush and emergency USA passport • Expedited Visa process for U.S. & foreign countries • Document Authentication •Document Legalization..For more information please contact us at: 703-286-7713

http://swahilivilla.blogspot.com/2014/01/mahojiano-na-faria-zam-kuhusu-msaada-wa.htmlKwa kuchangia chochote kile alichonacho kupitia Hilmy Disability Charity Organisation. Wasiliana na Mkurugezi wa Hilmy Disability Charity Organisation. Faria Zam. kwa UK Number ya Simu. 745-501-4372 Au Abou Shatry. U.S.A No' 301-728-3977

 http://www.dickysmallsauto.com/

DICK SMALLS AUTO MOTIVE WE CAN HANDLE ALL OF YOUR REPAIR AND SERVICE NEEDS INCLUDING CALL US NOW!(301) 931-3300. 10111B BACOCON DRIVE,BELTSVILLE,MD 20705

Monday, September 3, 2018

Waziri wa Mambo ya Ndani Tanzania, akemea ongezeko la utumiaji nguvu wa mgambo na walimu nchini humo

Waziri wa Mambo ya Ndani Tanzania, akemea ongezeko la utumiaji nguvu wa mgambo na walimu nchini humo
Waziri wa Mambo ya Ndani ya Nchi wa Tanzania, Kangi Lugola amelaani vitendo vya utumiaji nguvu vya mgambo wa nchi hiyo hususan wa jiji la Dar es salaam na kuvitaja vitendo hivyo kuwa vya kihuni, kishenzi na kinyama.

Lugola ameongeza kuwa, vitendo hivyo havipaswi kufumbiwa macho na wapenda amani, watetezi wa haki za binadamu na wananchi wote kwa ujumla. Waziri wa Mambo ya Ndani wa Tanzania ameyasema hayo leo akizungumza na waandishi wa habari mkoani Mwanza na kusisitiza kuwa, serikali inalaani vikali kitendo cha ukatili na unyama kilichotokea wiki iliyopita jijini Dar es Salaam cha mgambo wa jiji kumuadhibu bila huruma mfanya biashara mmoja ambaye alishindwa kulipa Shilingi elfu 50 za usafi na kusema kuwa, kutokana na unyama huo tayari hatua za kisheria zimeanza kuchukuliwa dhidi ya wahusika.

Askari mgambo wa jiji la Dar es Salaam wakimuadhibu kupita kiasi mwananchi

“Natumia fursa hii kuwakumbusha tena mgambo wote kuwa makini katika utekelezaji wa maagizo wanayopewa na kuzingatia sheria, kanuni na taratibu za nchi.” Alisema Lugola. Kadhalika amezungumzia matukio mengine ya utumiaji mabavu yanayotokana na wananchi kujichukulia sheria mkononi na kuwaadhibu kwa kuwapiga watu wengine kwa sababu mbalimbali. 


Ameyataja matukio hayo kuwa ni pamoja na ugomvi wa kifamilia ndani ya ndoa kwa Wanaume kuwapiga wake zao au wake kuwapiga waume zao, wananchi kuwapiga watu wanaowatuhumu kwa makosa mbalimbali na walimu kuwapiga vikali wanafunzi kinyume cha sheria. Waziri huyo pia amewaonya baadhi ya askari polisi ambao wanatumia nguvu isiyo ya kawaida kulingana na mazingira dhidi ya watuhumiwa. “Serikali kupitia Wizara ya Mambo ya Mambo ya Ndani ya Nchi inalaani vikali matukio ya kujichukulia sheria mkononi na kupitia kwenu wanahabari nawataka Watanzania kufuata sheria za nchi kwa kuacha vitendo vya kujichukulia sheria mkononi.

Mwanafunzi Sperius Eradius (13) aliyeuawa hivi karibuni mkoani Kagera kwa kipigo kikali cha walimu

Vitendo hivi pamoja na kusababisha uvunjifu wa amani vinaweza kuleta madhara kwa watu ambao hawana makosa na kuichonganisha serikali na wananchi wake.” Amesema Lugola. Katika uwanja huo, Lugola amewataka wanandoa kutumia Dawati la Jinsia katika Vituo vya Polisi kote nchini ili kuwasilisha malalamiko yao ya unyanyasaji wa kijinsia ndani ya ndoa ili hatua stahiki zichukuliwe. Matukio ya utumiaji mabavu yamekuwa yakiripotiwa nchini humo na hivyo kuibua hisia kali kati ya wananchi.

Chanzo: parstoday.com

No comments:

Post a Comment

Maoni yako